CHELSEA YAIPIGA MAN UNITED CHA NGURUWE KOMBE LA FA

Timu ya soka ya Chelsea imeisambaratisha timu ngumu ya Man united katika kombe la chama cha soka cha Uingereza FA kwa bao moja kwa nunge katika dimba la Stamford Bridge, ukiwa ni mchezo wa marudiano baada ya mchezo wa kwanza uliopigwa katika dimba la Old Trafford kuisha kwa matokeo ya sare ya 2-2.


 
Demba BA akifunga goli pekee

Katika mchezo huo uliohudhuriwa na watazamaji wapatao 40,704 walishuhudia mtanange wa kukata na shoka. Wenyeji walionja tamu ya mtanange huo pale Mshambuliaji raia wa Senegal Demba BA alipofunga goli maridadi baada ya kutanguliziwa pande murua na Juan Mata katika dakika ya 48 ya mtanange huo. Goli hilo lilidumu mpaka mtanange unamalizika na hivyo Man United kuondoshwa katika michuano hiyo ya FA na kuiacha Chelsea kusonga mbele.

Wachezaji wa Chelsea wakimpongeza Demba BA baada ya kuitengeneza Man United

Danny Welbeck akijaribu kumtoka Oscar

 

Chelsea 1-0 Man United

UEFA WAMFUTIA ADHABU IBRAHIMOVIC KUIVAA BARCELONA

 Zlatan Ibrahimovic

Kamati ya nidhamu ya UEFA imemfutia adhabu mshambuliaji mahiri wa Paris Saint German Zlatan Ibrahimovic huku akiwa tayari ametuikia kwa kukosa mechi moja dhidi ya Valencia. 
Kutokana na kufutiwa adhabu hiyo sasa atakuwemo kwenye kikosi cha PSG kitakachoivaa Barcelona katika mchezo wa robo fainali ya ligi ya mabingwa Ulaya wiki ijayo.

MANDELA HALI TETE ARUDISHWA HOSPITALI

Rais wa zamani wa Afrika Kusini, Nelson Mandela amelazwa tena hospitalini baada ya kuugua ugonjwa wa mapafu kwa mara nyingine.

Taarifa kutoka kwa serikali ya nchi hiyo, ilisema kuwa Mandela mwenye umri wa miaka 94 alilazwa hospitalini muda mfupi kabla ya saa sita usiku.







Nelson Mandela

Mandela alilazwa siku kumi na nane hospitalini mwezi Disemba mwaka jana kupokea matibabu ya ugonjwa wa mapafu na kibofu.
Anasifika sana kama baba wa taifa hilo kwa kuongoza vita dhidi ya utawala wa ubaguzi wa rangi.
Kadhalika Mandela alihudumu kama rais wa kwanza mweusi Afrika Kusini tangu mwaka 1994 hadi mwaka 1999, ingawa hali yake ya kiafya imezua wasiwasi kwa muda sasa.
Rais Jacob Zuma alimtumia taarifa ya kumpa pole na kumtakia kupona Mandela
"tunawataka watu wa Afrika Kusini pamoja na duniani kote kuwa watulivu na kumuombea Madiba na familia yake. Tuna imani kuwa kikosi cha madaktari wanaomtibu Mandela watafanya kila hali kuhakikisha anapona,'' alisema Zuma katika taarifa yake.
Mapema mwezi huu bwana Mandela alilazwa hospitalini mjini Pretoria baada ya kufanyiwa ukaguzi wa kiafya.

WEMA WA WEMA WAMRUDISHA KAJALA URAIANI

Kajala akimkumbatia Wema Sepetu kwa machozi ya furaha baada ya kumtolea faini ya milioni 13 na kumuepusha na kifungo cha miaka 8 jela baada ya kupatikana na hatia ya kula njama ya kubadilisha umiliki wa nyumba na kosa jingine la kushiriki kusafisha pesa chafu ambacho ni kinyume cha sheria.


Kajala na Wema nje ya mahakama.

Kajala akiwa na Lulu akizungumza na waandishi wa habari.

Kajala na Dk Cheni nje ya mahakama baada ya hukumu.

VIDEO YA LEO: Dear Mama-2PAC Shakur

HAPPY MOTHERS DAY

AC MILAN YAITEPETESHA BARCELONA 2-0

Timu ngumu ya Barcelona ya Uhispania jana ilitepeteshwa na vigogo wa soka wa Italia AC Milan kwa bakora 2 kwa buyu katika dimba la San Siro, huku mtanange huo ukishuhudiwa na mashabiki 75,000 akiwemo Mario Balotelli na mchumba wake pamoja na masela kibao.

Mtanange huo ulitawaliwa na Barcelona lakini walishindwa kabisa kuipenya ngome ya AC Milan waliokuwa wanalinda lango lao na kufanya mashambulizi ya kushtukiza na ya kasi. AC Milan walianza kuwazidi akili Barcelona katika dk 56 pale mzaliwa wa Ghana Kevin Prince-Boateng alipotupia kambani goli la kuongoza na kulipua nderemo na vifijo toka kwa mashabiki9 waliofurika katika dimba la San Siro.

Barcelona walihaha kusawazisha goli bila mafanikio kabla ya kutepeteshwa kwa bao la pili katika dk 80 likitupiwa kambani na Raia wa Ghana Suley Muntari.

Mchezaji mtukutu aliesajiliwa hivi karibuni na AC Milan akitokea Manchester City ambae nae pia ni mchezaji mwenye asili ya Ghana Mario Barwuah Balotelli alionekana uwanjani akiwa na mchumba wake na kundi la masela wakishangilia ushindi wa AC Milan kwa hisia kali.

Boateng na Muntari wakishangilia goli la kwanza

Nimeuaaaaaaaaaaaaaaaaa

Kazi kweli kweli Iniesta na Boateng

Mungu wangu tumetepeteshwa namna hii...

Messi akijaribu kuchanja mbuga

Kamata mwizi meeeeeeeeeeeeen!! Boateng akijaribu kumchimoka Puyol

Kulala kwenuu..Messi na Alves wakiwa chini kufuatia patashika nguo kuchanika ya mpambano huo

Muntari akiachia kombora kuandika bao la pili dk 80

Muntari na Boateng wakishangilia goli la pili
 


Balotelli na mchumba wake wakifuatilia mpambano