BARCELONA NI NOMAA, YAITUPA AC MILAN NJE NA KUTINGA NUSU FAINALI KLABU BINGWA ULAYA

Andre Iniesta(8) akitupia kambani msumari wa tatu na wa ushindi

Barcelona ya Uhispania imefanikiwa kuingia hatua nzuri katika michuano ya klabu bingwa ya ulaya baada ya kuichapa AC Milan ya Italia kwa magoli 3-1 katika uwanja wake wa nyumbani wa Nou Camp.
Barcelona waliokuwa wakishambulia tangu mwanzoni mwa kipindi iliwachukua dakika 11 pale Leonel Messi alipoangushwa katika eneo la hatari na bila ajizi refa wa mchezo huo aliamuru ipigwe penati, Leonel Messi alitupia penati hiyo kimiani na kuwafanya Barca kuongoz kwa goli moja.
Goli hilo liliwapa ari na kuwanyong'onyesha AC Milan kabla ya kuwarudisha katika mchezo ikiwa ni dakika ya 32 pale mshambuliaji Machachari mbrazil Robinho kufanya kazi ya ziada na kumpatia pasi murua Ibrahimovic nae bila ajizi akamchomekea pande la mwisho Antonio Nocerino akiwa katika nafasi nzuri nae akatupia kambani kuisawazishia AC Milan na kufanya magoli kuwa ni 1-1.
Ilionekana kama AC Milan wamerudi mchezoni kwa kucheza kwa kasi huku Barcelona wakicheza mchezo wao wa kawaida wa pasi nyingi na fupifupi. Kwa mara nyingine tena Barcelona walipata penati nyingine baada ya Nesta kumdandia mtu wakati kona inachongwa kuelekezwa langoni mwa AC Milan.
Dakika ya 53 Andre Iniesta alitupia kambani goli la tatu na kuwakata kabisa maini na kuwafanya AC Milan kuondokana na ndoto za kutinga nusu fainali za klabu bingwa ulaya. Mpaka mpira unakwisha matokeo yalikuwa Barcelona 3-1 AC Milan na hivyo Barcelona kusonga nusu fainali kwa jumla ya mabao 3-1 ikumbukwe mechi ya kwanza iliyochezwa huko Italia timu hizo zilitoshana nguvu.
Tazama picha za matukio katika mechi hiyo

Messi akikatiza katika msitu wachezaji wa AC Milan Mexes,Nesta na Nocerino


Dan Alves akiwa chini na golikipa wa AC Milan Abbiati huku Nesta akiwatazama katika purukushani hiyo


Fabregas akipimana ubavu na Ambrosini


Mtu tatu Mexes,Nesta na Nocerino zikimuandama Leonel Messi


Cuenca akikosa goli la wazi mbele ya Kipa wa AC Milan



Wachezaji wa AC Milan wakishangilia baada ya Nocerino kutupia goli la kusawazisha


Messi akifunga penati huku golikipa Abbiati akichumpa bila mafanikio



Shangwe na chereko baada ya Messi kutupia kambani kwa penati



Alves akimtuliza mizuka Robinho....take it esy meeeeeen!!!


Valdes akidaka mpira kichwani mwa Ibrahimovic


Kocha wa AC Milan Allegri akitoa maelekezo ambayo yaligonga mwamba kwa kuchapwa 3-1