ROBIN VAN PERSIE APIGA "HAT TRICK"

Van Persie

 

Robin van Persie amegeuka kuwa kipenzi cha mashabiki wa klabu yake mpya kwa kuiokoa Man.United alipofunga matatu mwenyewe kumuondolea maradhi ya moyo Sir Alex Ferguson kunako mechi yake ya 1,000th akiiongoza Manchester United kama meneja.

Mdachi huyo alitanguliza la kichwa kutokana na kona iliyochongwa na Nani katika mda wa ziada kuokoa jahazi.

Southampton ilipata bao la kuongoza kupitia Rickie Lambert kabla ya Morgan Schneiderlin kupata la pili pia la kichwa katikati ya magoli ya Van Persie ya kusawazisha.

Uhodari wa Van Persie uliwekwa kwenya mizani alipokosa mkwaju wa peneti mnamo dakika 88 wakati United ikidorora 2-1.

Kwa menejawa Southampton Nigel Adkins dakika za majeruhi zilikua kama mwaka wenye machungu kutokana na jinsi vijana wake walivyoweza kuidhibiti United na mabao ya haraka haraka mawili bila shaka yalimuumiza.

Kwa mashabiki wa United, matokeo haya ni sehemu ya malipo ya kitita cha milioni 24 za pauni za Uingereza zilizomleta United kutoka Arsenal.

Van Persie akitupia goli la kwanza

Van Persie akitupia goli la pili

Van Persie akishangilia bao

Mpira uliopigwa na Van Persie ukitinga wavuni kuandika goli la tatu "Hat Trick" na la mwisho la Man United

Southampton vs Man United

ARSENAL YAANZA LIGI YAIDUNGUA LIVERPOOL 2 KAVU

Kocha wa Arsenal Arsene Wenger akizungumza na waandishi wa habari baada ya mechi.

Arsenal imepata ushindi wake wa kwanza katika ligi ya Premier ya nchini Uingereza msimu huu baada ya kuidungua Liverpool 2-0 nyumbani kwao.
Hii ndio mara ya kwanza kabisa kwa Liverpool kuanza msimu kwa kichapo cha mabao 2-0 katika uwanja wao katika kipindi cha miaka 50,Magoli yote mawili ya Arsenal yalitupia kambani na wachezaji wapya Santi Cazorla na Lukas Podolski .

Mshambuliaji wa Ujerumani Podolski ndiye alikuwa wa kwanza kuipatia Arsenal bao katika dakika ya 31. Na katika dakika ya 68 Cazorla alipeleka kilio na kubadili ubao wa matangazo kuwa 2-0.

Podolski akitupia goli la kwanza

Podolsi akishangilia goli

Magoli hayo pia ndio yalikuwa ya kwanza kwa Arsenal tangu msimu huu uanze kwani katika mechi zao mbili za awali walitoka sare ya 0-0 na wapinzani wao.

Kufuatia ushindi huo Kocha wa Arsenal alisema kuwa uimara wa vijana wake unaongezeka katika kila mechi na kuwa amefurahishwa na matokeo ya timu yake.

Baada ya kucheza mechi tatu, Liverpool ambayo iko nchini ya mkufunzi mpya Brendan Rodgers ina pointi moja peke yake.

Hii inaweza kufananishwa na matokeo mabaya ya timu hiyo katika msimu wa mwaka 1962-63 chini ya Bill Shankly.

Katika mechi hii washambulizi Luis Suarez na Fabio Borini hawakuwa na kubwa uwanjani.

Nae mchezaji mpya wa kiungo Nuri Sahin wa Liverpool pia hakuonyesha makeke yake uwanjani.

Santiago Carzola akishangilia baada ya kutupia goli la pili


Golikipa wa Arsenal Manone akishangilia ushindi


Patashika Steven Gerrard na Abou Diaby

Liverpool 0-2 Arsenal

REAL MADRID YATIA KIBINDONI KOMBE LA SUPERCOPA

Wachezaji wa Real Madrid wakishangilia na kombe la SUPERCOPA

 

Timu ya soka ya Real Madrid ya Uhispania imeanza kuweka kabatini makombe ya nchini Uhispania baada ya kuichabanga Barcelona magoli 2-1 katika dimba lao la nyumbani,Santiago Bernerbeu ambao pia ni mji mkuu wa Uhispania.

Ushindi wa Real Madrid wa mabao 2-1 ulifanya matokeo ya jumla kuwa 4-4 baada ya mechi ya kwanza iliyopigwa Nou Camp Barcelona kuilaza Rea Madrid kwa kamba 3-2, Na sasa Real Madrid imepata ushindi kutokana na kufanikiwa kutupia kambani magoli mengi ugenini.

Kazi moja tu Pique na Pedro

Katika mchezo huo wa jana Barcelona iliyoonekana kutokuwa imara sehemu ya Ulinzi na kuwaruhusu Real Madrid kutupia kambani goli 2 za fastafasta, Real Madrid walianza mchezo huo kama kwamba waliambiwa waingie kuharibu mipango na utulivu wa mtindo wa uchezaji wa Barcelona na walifanikiwa kwa 100%, na kwa kutumia udhaifu wa Safu ya Ulinzi ya Barcelona iliyokuwa chini ya Pique na Mascherano mafundi Christiano Ronaldo na Higuain walifanikiwa kuipatia Real Madrid magoli muhimu katika mchezo huo ingawa Higuain mchezo ulionekana kutokumkubali kwa sana.

Makosa ya kizembe yaliyofanywa na Adriano ya kupewa kadi nyekundu yaliigharimu Barcelona kucheza pungufu kwa dakika za mwisho za kipindi cha kwanza na zote za kipindi cha pili.

Real walikuwa wa kwanza kutupia kambani kupitia Higuian katika dakika ya 11 na dakika 9 baadae Christiano Ronaldo aliipatia Real goli la pili kabla ya Leonel Messi kutupia kambani kwa "free kick" ya umbali wa mita 30 dakika chache kabla ya kwenda mapumziko.

Christiano Ronaldo akijiandaa kuachia "fataki" na kufunga goli la pili.
 
Christiano Ronaldo akishangilia baada ya kutupia kambani goli la pili dhidi ya Barcelona

Higuain Akishangilia goli la kwanza


Luka Modric akiangalia kombe la kwanza kulitwaa akiwa Real Madrid limeshikiliwa na Pepe na Ronaldo.


Mambo magumu..nisepe mie" ndivyo anavyoonekana kuwaza Leonel Messi

Katika mchezo wa jana timu zote ziliingiza majembe waliyoyasajili kutoka Ligi kuu ya Uingereza, Barcelona wakimuingiza Alexander Song aliesajiliwa kutoka Arsenal na Real Madrid wakimuingiza Luca Modric aliesajiliwa kutoka Tottenham Hotspurs zote za Uingereza.

RATIBA LIGI KUU UINGEREZA(BARCLAYS PREMIER LEAGUE)

Barclays Premier League | RATIBA

Kwa saa za A.Mashariki (EA, GMT+3)

Saturday 01 September 2012

West Ham	v	Fulham	Upton Park	14:45
Tottenham	v	Norwich	White Hart Lane	17:00
Swansea	v	Sunderland	Liberty Stadium	17:00
West Brom	v	Everton	The Hawthorns	17:00
Wigan	v	Stoke	The DW Stadium	17:00
Man City	v	QPR	Etihad Stadium	19:30

Sunday 02 September 2012

Liverpool	v	Arsenal	Anfield	15:30
Southampton	v	Man Utd	St. Mary's Stadium	18:00
Newcastle	v	Aston Villa	Sports Direct Arena	18:00

Saturday 15 September 2012

Norwich	v	West Ham	Carrow Road	14:45
Man Utd	v	Wigan	Old Trafford	17:00
QPR	v	Chelsea	Loftus Road Stadium	17:00
Stoke	v	Man City	Britannia Stadium	17:00
Aston Villa	v	Swansea	Villa Park	17:00
Arsenal	v	Southampton	Emirates Stadium	17:00
Fulham	v	West Brom	Craven Cottage	17:00
Sunderland	v	Liverpool	Stadium of Light	19:30

Sunday 16 September 2012

Reading

v

Tottenham

Madejski Stadium

18:00

Monday 17 September 2012

Everton

v

Newcastle

Goodison Park

22:00

Saturday 22 September 2012

Swansea	v	Everton	Liberty Stadium	14:45
West Ham	v	Sunderland	Upton Park	17:00
Newcastle	v	Norwich	Sports Direct Arena	17:00
Wigan	v	Fulham	The DW Stadium	17:00
Chelsea	v	Stoke	Stamford Bridge	17:00
West Brom	v	Reading	The Hawthorns	17:00
Southampton	v	Aston Villa	St. Mary's Stadium	17:00

Sunday 23 September 2012

Liverpool	v	Man Utd	Anfield	15:30
Man City	v	Arsenal	Etihad Stadium	18:00
Tottenham	v	QPR	White Hart Lane	18:00

Saturday 29 September 2012

Arsenal	v	Chelsea	Emirates Stadium	14:45
Sunderland	v	Wigan	Stadium of Light	17:00
Stoke	v	Swansea	Britannia Stadium	17:00
Reading	v	Newcastle	Madejski Stadium	17:00
Norwich	v	Liverpool	Carrow Road	17:00
Fulham	v	Man City	Craven Cottage	17:00
Everton	v	Southampton	Goodison Park	17:00
Man Utd	v	Tottenham	Old Trafford	19:30

Sunday 30 September 2012

Aston Villa

v

West Brom

Villa Park

18:00

SUPER CUP LEO MADRID Vs BARCA PUYOL KUVAA "MASK"

Carlos Puyol

 

Nahodha wa Barcelona Carlos Puyol anatarajiwa kukipiga katika mechi ya Super Cup pale Barcelona itakapomenyana na Real Madrid katika mchezo wa marudiano katika dimba la Santiago Bernabeu ambalo ni Dimba la Real Madrid baada ya mchezo wa kwanza uliopigwa katika dimba la Nou Camp,ambapo wenyeji Barcelona waliibuka na ushindi wa 3-2 Dhidi ya Real Madrid.

 
Puyol anatarajiwa kukipiga katika mechi hiyo ya leo lakini atahitajika kuvaa kofia ya kuzuia taya"MASK" kutokana na kusumbuliwa na mifupa ya taya aliyoumia hivi karibuni,Alisema kocha wa Barcelona Tito Vilanova. Puyol aliumia katika mechi ya ligi dhidi ya Osasuna siku ya jumapili na Barca walishinda 3-2, Ingawaje alifanya mazoezi na wenzake siku ya jumanne lakini kocha amesema kucheza au kutocheza itajulikana Jumatano(leo).
 
"Kesho(leo) asubuhi tutaangalia anaendeleaje, na tutamsikiliza Daktari anasemaje hatuwezi kuhatarisha hali ya Puyol"Alisema Vilanova.
 
Taarifa kutoka Barca zinasema Kiungo Mholanzi Ibrahim Affelay aliomba kuondolewa katika safari ya mechi hiyo ili aweze kuangalia maendeleo yake, Affelay aliefanyiwa oparation mwezi Oktoba 2011 kabla ya kujiunga na Timu ya taifa ya Spain katika michuano ya EURO 2012 amesema atahakikisha anapata namba ya kudumu katika kikosi cha Barcelona.
 
Afellay mwenye miaka 26 amehusishwa na uwezekano wa kuhamia Liverpool katika ligi kuu ya Uingereza"Barclays Premier League".

FULHAM YAMRUHUSU DEMBELE KUKIPIGA TOTTENHAM

Moussa Dembele

 

Klabu ya Tottenham Hotspurs imepata idhini ya kuendelea mbele na mchakato wa kumnasa kiungo wa kati wa klabu ya Fulham, Moussa Dembele, kufuatia vilabu hivyo kuafikiana juu ya malipo ya kumnunua mchezaji huyo.

Mchezaji huyo wa Ubelgiji yuko katika mwaka wake wa mwisho katika mkataba wa kukipiga Fulham inayochezea uwanja wa Craven Cottage, na hakushiriki katika mechi ya kombe la Capital One dhidi ya Sheffield Wednesday, wakati timu yake ilipochapwa.

Meneja wa Fulham, Martin Jol, amesema Dembele, mwenye umri wa miaka 25, yumo katika vipimo vya afya yake ndani ya klabu ya Tottenham.

Dembele alijiunga na Fulham kutoka klabu ya Uholanzi ya AZ Alkmaar, kwa gharama ya pauni milioni 5, mwaka 2010.

Hayo yakiendelea, Fulham imekuwa katika hali ya kushauriana na Kieran Richardson, baada ya kuelewana na Sunderland kuhusu kitita kinachohitajika kumpata mlinzi huyo.

Meneja wa Sunderland, Martin O'Neill alithibitisha kwamba tayari wamekubaliana juu ya kiwango cha pesa ambazo Fulham watatoa kumnunua mchezaji huyo mwenye umri wa miaka 27.

WANAMUZIKI 10 MATAJIRI ZAIDI AFRIKA

1-Youssou Ndour

Youssou Ndou ndiye mwanamuziki tajiri zaidi barani Africa. Mshikaji anamiliki kituo kikubwa zaidi binafsi cha luninga nchini Senegal, kampuni ya magazeti na kituo cha radio.

Anamiliki pia Klabu ya Usiku(night club) na record label. Anamiliki kampuni ya nyumba na makazi. Mwaka 2004 jarida la Rolling Stone lilimwelezea kama mwanamuziki maarufu zaidi nchini Senegal na pengine barani Afrika aliye hai.

Tangu April 2012, ni waziri wa utalii na utamaduni nchini Senegal.

2-P Square
 

Hakuna msanii wa kizazi cha leo anaeweza kugusa matawi ya mapacha hawa, Peter na Paul Okoye. Wana hela chafu!
Wanachaji dola 250,000 kwa kila show ambazo ni zaidi ya shilingi milioni 390 za Tanzania! Kuongezea msumari zaidi hapo ni kwamba hawa Washkaji wana show kila weekend! Mpaka sasa hivi wameshafanyiwa booking ya kufanya show sehemu mbalimbali duniani hadi March mwakani!
Nyumba yao waliyoipa jina la Squareville huko Ikeja Nigeria ina thamani ya dola milioni 3 ambazo ni zaidi ya shilingi bilioni 4.

Waliweka historia kwa kuwa wasanii wa kwanza kununua kiwanja kwenye eneo la Banana Island nchini Nigeria ambacho kina thamani ya zaidi ya dola milioni 3 pia!
Wana mkataba wa miaka mitatu na kampuni ya pili kwa ukubwa ya simu nchini Nigeria ya Globacom wakiwa kama mabalozi wake ambapo hulipwa dola milioni 1 kwa mwaka, wanamiliki pia mijengo kibao ya kupangisha.Ucpime jipangeee!

 

 

3-D Banj

Mnigeria huyu aliye chini ya label ya Kanye West, G.O.O.D Music, alitengeneza takriban dola milioni 5 kwenye kampeni ya rais wa Nigeria Goodluck Jonathan.
Anamiliki jina la ‘Koko’ linalojumuisha klabu bora za Nigeria za KokoLounge, maji ya kunywa Koko Water na Koko Mobile.
Aliwahi kufanya reality show ya TV iitwayo Koko Mansion na kulipwa dola milioni 1.Anamiliki nyumba yenye thamani ya dola milioni 1.5 jijini Atlanta. Ni mwenyekiti mtendaji wa Dbanj Records na pia ana kampuni ya ulinzi iliyofanikiwa sana.
Yeye hucharge dola 100,000 kwa show.

4-Koffi Charles Antony Olomide

Mfalme wa Lingala Koffi  anacharge tabriban Euro 100,000 kwa show. Jamaa hupiga show nchini Ufaransa zinazojaza karibu watu 80,000 ambapo tiketi moja ni Euro 30 sawa na shilingi elfu 60.Amekwishatoa albam zaidi ya saba ambazo zimemuingizia mamilioni ya dola.

 

5-Salif Keita

Salif Keita ukipenda unaweza kumuita  ‘Sauti ya dhahabu ya Africa’, ni miongoni mwa watu wanyenyekevu lakini matajiri sana barani Afrika.Msanii huyo albino anamiliki kisiwa chake binafsi nchini Mali.Anamiliki majumba na mali zingine nchini Ufaransa na Mali.

6-Fally Ipupa

Msanii huyu anajulikana kama ‘Mfalme mpya wa Lingala’ wa DRC. Kutoka kuwa mcheza show wa zamani wa Koffi Olomide, anasifika kwa kuleta usasa zaidi kwenye muziki wa Lingala. Ameshakuwa balozi wa brand nyingi za nguo nchini Ufaransa, concerts zenye gharama na kuuza kopi kibao za albam zake.

 

7-2 face idibia

Msanii huyu wa Nigeria anamiliki nyumba za kupangisha zenye gharama ya zaidi ya shilingi bilioni 7.Hulipwa kuanzia dola 50,000 - 80,000 kwa show.namiliki pia klabu ya usiku ya nguvu na biashara zingine zinazomuingizia hela nyingi.

8-Hugh Masekela

Huyu ni miongoni mwa wanamuziki wa Jazz wanaoheshimika zaidi barani Africa. Anamiliki mobile studio yenye mafanikio makubwa nchini Botswana. Hushiriki kwenye matamasha makubwa duniani na huingiza mamilioni ya dola kutokana na mauzo ya albam zake.

9-Banky W

Ukiweza muite Mr. Capable pia. Banky W hufanya show mara tatu ama nne kwa wiki zinazomuingiza mshiko mrefu mno. Aliwahi kuwa balozi wa kampuni ya simu ya Estisalat ya Nigeria ambapo alitumika kwenye matangazo yake.

Kwa sasa ni balozi wa Samsung Mobile. Amewahi kufanya kampeni ya Coca Cola-Nigeria na Microsoft’s Anti-cyber Crime Initiative.

Kutokana na kuingiza hela nyingi amenzisha mradi kuwasaidia wasiojiweza kwa kuwalipia ada watoto wenye uwezo darasani chini ya Mr. Capable Foundation.

10-Chameleone

Mzee wa Valuvalu anafunga list kwa kuwa msanii mwenye hela zaidi kuliko wote Afrika Mashariki.Anamiliki gari Cadillac Escalade yenye thamani kubwa, Mercedes Benz ML 320, Super Custom, convertible na Premio.

Anaishi kwenye nyumba yenye gharama kwenye maeneo ya wazito huko Seguku Hill kwenye viunga vya Kampala, simu zake mwenyewe na mali zingine nyingi.

Matumizi ya nyimbo zake yanamuingiza mamia kwa maelfu ya Euro!