WAYDAD NA ESPERANCE USO KWA MACHO FAINALI LIGI YA MABINGWA AFRICA

NYOTA wa Ghana, Harrison Afful anaamini Fainali ya Ligi ya Mabingwa Afrika mwaka huu kati ya Esperance dhidi ya Wydad Casablanca itakuwa na uzuri wa aina yake. Beki huyo wa Esperance aliyeongoza ushindi wa jumla ya mabao 3-0 dhidi ya Al Hilal ya Sudan mwishoni mwa wiki, huku Wydad ikisonga mbele kwa fainali kwa ushindi mwembamba wa bao 1-0 dhidi ya Enyimba.

"Wydad ni timu nzuri. Wanatumia nguvu na akili na wanacheza soka nzuri kama tunavyofanya sisi," alisema Afful.
"Kwa hiyo itakuwa ni mechi nzuri ambayo kila moja atapenda kuitazama."

Esperance ambauo mwaka jana ilikosa ubingwa baada ya kufungwa na mabingwa wa DR Congo, TP Mazembe haijawahi kutwaa ubingwa huo wa Afrika tangu kuanzisha kwa Ligi ya Mabingwa kutoka kwenye mfumo wa Kombe la Washindi mwaka 1997.

Timu hiyo ya Tunisia imeshacheza na wabeba hao wa Morocco kwenye hatua ya makundi katika mashindano ya msimu huu.Mwezi Agosti wakiwa katika Kundi B mechi iliyofanyika Casablanca ilimalizika kwa sare 2-2, wakati ile ya marudiano jijini Tunis hawakufungana.

"Tumecheza mara mbili dhidi yao, hivyo kila moja anamjua vizuri mwenzake," alisema Afful. "Kwa kuzingatia malengo yetu ni umoja, tunaweza kufanya kile tunachotaka kuchukua ubingwa."

Wydad, imefuzu kwa fainali hizo kwa mara ya kwanza tangu ilipotwaa taji hilo mwaka 1992, watakuwa wenyeji wa mechi ya kwanza ya fainali itakayochezwa kati ya Novemba 04 au 06.

Mechi ya marudiano itafanyika wiki mbili baadaye nchini Tunisia. "Jambo zuri kwetu ni kuanza mechi ya kwanza nchini Morocco," alisema beki huyo wa Ghana.

Esperance iliyolazimika kucheza Jumamosi iliyopita bila ya mashabiki wake walipocheza dhidi ya Al Hilal kutokana na kufungiwa wa Shirikisho la Soka Afrika kufutia vurugu za mashabiki wake.

Hata hivyo, mashabiki hao wataruhusiwa kushudia fainali wakati Esperance watakapokuwa na ndoto ya kurudia kile walichokifanya mwaka 1994 ili waweze kufuzu kwa Kombe la Dunia la Klabu la Fifa.

"Kila moja Ulaya atazama Ligi ya Mabingwa Afrika na sisi wachezaji tunakitu tunachokipata kutoka katika mashindano haya," alifafanua Afful.

"Kucheza dhidi ya mabingwa wa Ulaya, Amerika Kusini katika Kombe la Dunia la Klabu ni kitu kizuri. Tunawatazama kila siku kwenye televisheni na kila wakati tunatama kucheza dhidi yao."

Kombe la Dunia la Klabu la Fifa mwaka 2011 linategemewa kufanyika nchini Japan kuanzia Desemba 08 hadi18.

Simba wazee wa dozi waendelea kutamba

Ulimboka akijaribu kupiga majalo mbele ya beki wa Ruvu George Michael

Vinara wa ligi kuu na mabingwa wa Ngao ya Jamii, Simba jana waliendelea kujiimarisha kileleni mwa Ligi Kuu kwa kuichakaza Ruvu Shooting mabao 2-0 kwenye Uwanja wa Chamazi jijini Dar es Salaam, huku watani zao Yanga wakishuka dimbani leo kuikabili Toto African.

Vinara hao walilazimika kusubili hadi kipindi cha pili kusherekea pointi tatu muhimu kwa vijana hao Msimbazi shukrani kwa mabao ya Emmanuel Okwi na Haruna Moshi aliyeingia akitokea benchi na kuifanya Simba kufikisha pointi 24.

Katika mechi hiyo iliyopigwa kwenye uwanja wa Azam, Chamazi, nje kidogo ya jiji na kuhudhuriwa na watazamaji wachache kulinganisha na mechi zingine za Simba kwenye uwanja huo, ilikuwa na upinzani mkali tangu mwanzo mpaka mwisho.

Kiu ya kutaka kufunga mabao kwa Simba ilianza kwa shambulizi la dakika ya kwanza ya mchezo, baada ya washambuliaji wake Okwi, Felix Sunzu na Uhuru Seleman kugongea vizuri kabla ya jitihada zao kutibuliwa na mabeki wa Ruvu Shooting.

Ruvu Shooting inayoundwa na wachezaji chipukizi, ilijibu shambulizi hilo dakika saba baadaye, lakini kiki ya Abdallah Juma ilipaa juu ya lango, huku Jerry Santo wa Simba naye akikosa kwa staili hiyo ya kupaisha mpira juu ya mwamba dakika ya 18.

Vinara hao wa Ligi Kuu walitawala sehemu kubwa ya kipindi cha kwanza, na nusura wabadilishe matokeo kama shuti la Uhuru lisingegonga mwamba na kurudi uwanjani kufuatia gonga nzuri na Sunzu.

Mabadiliko yaliyofanywa na kocha wa Simba, Moses Basena ya kumtoa Uhuru na kumuingiza kiungo Haruna Moshi 'Boban' dakika ya 46, yalizaa matunda dakika moja baadaye kufuatia kazi nzuri ya Boban kumwezesha Okwi kufunga bao la kuongoza kirahisi kutokana na mabeki wa Ruvu kujichanganya.

Washambuliaji Simba waliojenga 'netiweki' nzuri ya ushambuliaji langoni mwa Ruvu baada ya kupewa 'dawa' ya kuongeza hamu ya kufunga mabao kama alivyodai kocha Basena, waliandika bao la pili safari hii likiwekwa kimiani na Boban.

Kocha wa Basena alisema wachezaji wake walicheza vizuri na kutegeneza nafasi nyingi za kufunga ni jambo la kujivunia kwa sababu uelewana wao umetoa ushindi.

Boban aliyeonekana kucheza vizuri na Okwi alifunga bao hilo kwa shuti kali dakika ya 54 na kumwacha kipa wa Ruvu, Benjamin Haule aliruka bila mafanikio.

Kocha wa Ruvu, Boniface Mkwasa alifanya madadiliko ya kuwatoa Abdallah Juma na Raphael Keyala na nafasi zao kuchukuliwa na Seif Abdallah na Abdallah Abraham.

Mabadiliko hayo yaliwapa nguvu Ruvu baada ya kufanya mashambulizi matano langoni mwa Simba katika muda mfupi, lakini yaliishia mikononi kwa kipa Juma Kaseja au kutibuliwa na mabeki wa Simba.

Ushindi huo umeifanya Simba kuzidi kujiimarisha kileleni mwa msimamo kwa kufikisha 24, baada ya michezo 10, huku ikiendeleza rekodi yake ya kutopoteza mchezo mpaka sasa.

Mkwasa amesikitika kwa washambuliaji wake kutegeneza nafasi nyingi na kushindwa kuzitumia anajipanga kwa wakati ujao.
Wakati huo huo, ligi hiyo inaendelea tena leo kwa mabingwa watetezi Yanga kuwavaa ndugu zao wa Toto African kwenye Uwanja wa Taifa jijini Dar es Salaam.

Yanga wanaingia kwenye mchezo huo wakiwa na kumbukumbu nzuri dhidi ya Toto mara ya mwisho walipokutana msimu uliopita mabingwa hao walishinda kwa mabao matatu.

Makocha wa pande zote mbili wameapa kuweka undugu pembeni na kuhaidi mchezo kusaka pointi tatu muhimu kwa kila mmoja.

Akizungumza wakati wa mazoezi ya jana asubuhi kocha mkuu wa Yanga, Sam Timbe amesema anafahamu ubora na kiwango cha wapinzani wao na kikosi chake kipo kamili kukabiliana na wapinzani wao.

"Kila mmoja wetu anataka ushindi, nategemea upinzani mkubwa kwani timu ya Toto Afrikan ni nzuri na kila tukikutana nayo kunakuwa na upinzani mkubwa, wachezaji wote wako kwa sasa wako kwenye hali,"alisema Timbe.

Naye kocha wa Toto, John Tegete amesema historia si kigezo cha wao kupoteza kwani msimu huu wamejidhatiti kikamilifu kufuta uteja.
Tegete alisema kikosi chake kiko imara kukabiliana na mabingwa hao na anategemea mchezo kuwa mgumu kutokana na kila mmoja wao kuhitaji ushindi kwa namna yoyote.

Alisema wamecheza na Yanga mara nyingi na anatambua upinzani unaokuwepo mara timu hizo zinapokutana hivyo hana wasiwasi wowote kukabiliana na kikosi hicho huku akitamba wapo kamili kuivaa Yanga.

"Sitegemei mteremko wowote licha ya timu hizi kuwa karibu na sisi tupo ugenini kwa sababu huu ni ushindani na kila mmoja anataka apate nafasi ya kuwa katika nafasi nzuri kwenye msimamo," alisema Tegete kwa akijiamini.

Yanga yenye pointi 15 ikiwa nafasi ya nne katika msimamo inashuka uwanjani ikiwa na kumbukumbu ya ushindi kiduchu dhidi ya Kagera Sugar katika mchezo uliopita huku wapinzani wao Toto wakiwa na pointi10 na kukamata nafasi ya tisa.

MATOKEO LIGI YA MABINGWA ULAYA 18 Oct 2011

Real Madrid ilipoichakaza Lyon 4-0

Manchester City Ilipoilipua Villareal 2-1

Bayern ilipotoa sare ya 1-1 na Napoli

Inter ilipoiadhibu Lille nyumbani kwao kwa 1-0

Wimbo wa leo, Aslay-Nakusemea

Msimamo Ligi kuu Uingereza

Msimamo wa Ligi Kuu ya England 

		M	TG	PNT
1	Man City	8	21	22
2	Man Utd	8	19	20
3	Chelsea	8	11	19
4	Newcastle	8	5	16
5	Liverpool	8	2	14
6	Tottenham	7	1	13
7	Stoke	8	-2	12
8	Aston Villa	8	1	11
9	Norwich	8	-1	11
10	Arsenal	8	-5	10
11	QPR	8	-8	9
12	West Brom	8	-3	8
13	Swansea	8	-5	8
14	Fulham	8	1	7
15	Everton	7	-4	7
16	Wolves	8	-6	7
17	Sunderland	8	0	6
18	Bolton	8	-10	6
19	Wigan	8	-8	5
20	Blackburn	8	-9	5

Bondia David Haye atangaza kustaafu kuzichapa

David Haye, bondia wa Uingereza aliyekuwa bingwa wa zamani wa mkanda wa WBA, ametangaza kustaafu kutoka masumbwi.

Wladimir Klitschko na David Haye (kulia)

Haye, ambaye Alhamisi ametimia umri wa miaka 31, mara nyingi alinukuliwa akisema kwamba asingelipenda kupigana mara tu atakapotimia umri wa miaka 30.

"Nimekuwa nikinuia kustaafu kutoka ngumi katika siku hii, tangu nilipovaa glavu nikiwa mtoto mwembamba mwenye umri wa miaka 10", Haye alieleza kupitia taarifa.

Pambano la mwisho la Haye lilikuwa ni dhidi ya mpinzani Wladimir Klitschko wa Ukraine, tarehe 2 Julai, alipopoteza ubingwa wa mkanda wa WBA mjini Hamburg.
Awali kulikuwa na gumzo kuhusu matazamio ya Haye kurudi ulingoni na kupigana na Vitali, ambaye ni kakake Wladimir, mwaka 2012, licha ya habari za Jumanne kwamba bondia huyo wa London kamwe hakuwa na nia ya kuomba leseni mpya ya kuendelea na ndondi, leseni ambayo itakwisha mwezi Desemba.
Haye, ambaye alifanikiwa kusonga kutoka uzani wa cruiser hadi ule wa heavy, alipoteza ubingwa wake katika pambano la kujaribu kuwa bingwa wa kumiliki mikanda yote, baada ya kupigwa na Wladimir, ambaye alimshinda kwa pointi, na kutwaa ubingwa wa WBO, IBF na IBO.
Baadaye, Haye alidai alipigwa kutokana na maumivu ya kidole cha mguu ambacho kilikuwa kimevunjika.
Muingereza Haye alipata mkanda wa WBA baada ya kumshinda bondia wa Urusi, Nikolay Valuev kwa pointi nchini Ujerumani, mwezi Novemba, mwaka 2009.
Haye, ambaye alishindwa mara mbili tu katika mapambano 27 ya kulipwa, kisha aliweza kuutetea ubingwa wake kwa kumpiga Mmarekani John Ruiz katika ulingo wa mjini Manchester, Uingereza, mwezi Aprili, mwaka 2010.

Simba kuvaana na Ruvu Shooting leo

KOCHA wa wekundu wa msimbazi na vinara wa Ligi Kuu Bara-Simba, Moses Basena leo ana kipimo cha pili kuthibitisha ubora wa safu yake ya ushambuliaji aliyodai kuipatia 'dawa' ya kuongeza hamu ya kutia kambani, pale kikosi chake kitakapoivaa timu ngumu ya Ruvu Shooting kwenye Uwanja wa Chamazi jijini Dar es Salaam.

Ushindi wa magoli 4-0 dhidi ya Africa Lyon wiki iliyopita, ulikuwa wa kwanza mkubwa msimu huu kwa Wekundu hao wa Msimbazi.

Basena anaamini kuwa kasi ya kufunga walioonyesha washambuliaji wake baada ya kuwapa maelekezo, leo itapata mwendelezo kama ilivyokuwa kwenye mechi dhidi ya Lyon.

Kocha wa Ruvu Shooting, Charles Mkwasa naye amejipanga kuhakikisha timu yake inaitibulia Simba kwa kupanga jeshi la uhakika likiongozwa na wapachika mabao wake wake, Abdalah Juma, Revocatus Maliwa na Yusuph Mgwao kwa lengo ya kusaka mabao ya mapema.

Kwa upande wao Simba itaendelea kuwategemea washambuliaji wake Gervais Kago, Felix Sunzu na Emmanuel Okwi watakaolishwa mipira na viungo Uhuru Selemani na Haruna Moshi 'Boban'.

Timu hizo zitashuka dimbani zikiwa zinatofautiana kwa pointi 10, kwani Simba inayoongoza ligi imejikusanyia pointi 21 mpaka sasa ikiwa imecheza michezo tisa wakati Ruvu Shooting inakamata nafasi ya saba ikiwa imejikusanyia pointi 11 huku ikiwa imeteremka dimbani mara tisa.

Simba ambayo ilirejea kwa kishindo katika uongozi wa ligi, ni dhahiri italazimika kufanya kazi ya ziada ili iweze kuibuka na ushindi hasa ukizingatia itaikabili Ruvu Shooting inayotumia mfumo wa soka la kasi na nguvu.

Akizungumzia pambano hilo, Basena alisema,"Kwanza kabisa tunatarajia kupata upinzani mkubwa ukizingatia sisi ndio tunaongoza ligi."

"Zaidi ya hapo nimewaambia wachezaji wangu wasahau matokeo ya ushindi wa mabao manne tuliyoyapata katika mechi yetu ya mwisho, wajue wana kazi ya kufanya ili tuendelee kushikilia nafasi tuliyopo, kwa mantiki hiyo nina imani tutashinda,"alisema Basena.

Naye Mkwasa alisema kuwa hawatarajii kupoteza mechi hiyo kwa mara nyingine na kuongeza kuwa vipigo walivyovipata msimu uliopita vinatosha na sasa ni zamu yao kutoa kipigo.

"Nimewaambia vijana wangu kwa nini kila siku watufunge?, ina maana hatujui mapungufu yetu au ni uzembe tu!, Simba ni timu nzuri sawa, lakini na sisi ni lazima tuonyeshe ni bora zaidi yao, vinginevyo itakuwa aibu,"alisema Mkwasa ambaye pia ni kocha wa timu ya soka ya wanawake, Twiga Stars.

Katika hatua nyingine Shirikisho la Soka Tanzania (TFF) limetangaza viingilio vya mchezo huo kuwa ni Sh 10,000 kwa jukwaa la viti maalumu (VIP) na Sh 5,000 kwa jukwaa la mzunguko.

BAADHI YA MECHI ZAWAHISHWA KUPISHA MECHI YA STARS NA CHADTaifa Stars inatarajia kuingia kambini Novemba 3 mwaka huu kujiandaa kwa mechi ya kwanza ya mchujo ya Kombe la Dunia dhidi ya Chad itakayofanyika Novemba 11 mwaka huu jijini N’Djamena.

Ili kutoa fursa kwa wachezaji watakaoitwa Stars kuripoti kambini ndani ya muda uliopangwa, mechi za mwisho kumaliza mzunguko wa kwanza Ligi Kuu ya Vodacom zimefanyiwa marekebisho. Mechi hizo sasa zitachezwa Novemba 2 mwaka huu badala ya tarehe ya awali ya Novemba 5 mwaka huu.

Mechi hizo ni Oljoro vs Villa Squad (Uwanja wa Sheikh Kaluta Amri Abeid), Moro United vs Simba (Uwanja wa Taifa), Polisi Dodoma vs Yanga (Uwanja wa Jamhuri), Toto Africans v Azam (Uwanja wa CCM Kirumba), Kagera Sugar vs Coastal Union (Uwanja wa Kaitaba), Mtibwa Sugar vs African Lyon (Uwanja wa Manungu) na Ruvu Shooting vs JKT Ruvu (Uwanja wa Mlandizi).