CHELSEA YAWAADABISHA WATOTO WA WENGER, MOURINHO NA WENGER WAKUNJANA

 

Kocha wa Chelsea Jose Mourinho

 

 

Kocha wa Arsenal Arsene Wenger

Katika ligi kuu ya England jana mamilioni ya wapenda soka duniani waliokuwa wakishuhudia mtanange kati ya Chelsea na Arsenal walishuhudia Chelsea wakiibuka kidedea kwa jumla ya mabao 2-0 yakifungwa na Eden Hazard katika dakika ya 27 kwa njia ya penalti na dakika ya 78 likifungwa na Diego Costa mwenye magoli tisa katika mechi saba alizocheza katika ligi kuu hiyo ya primier.

Pamoja na mchuano uwanjani hapo lakini nao makocha wa timu hizo Jose Mourinho wa Chelsea na Arsene Wenger wa Arsenal walitifuana baada ya Wenger kulalamikia mchezo mbaya wa Cahil dhidi ya Sanchez.
Chelsea imejiimarisha kileleni kwa pointi tano juu ya Mancity inayofuatia ikiwa na pointi 14, huku Southampton akishikilia nafasi ya tatu baada ya timu zote za ligi kuu ya England kucheza mechi saba kila moja.
Kipigo cha jana cha Arsenal ni cha 12 kutoka kwa Chelsea ikiwa chini ya Mourinho dhidi ya Arsene Wenger. Mechi nyingine zilikuwa kati ya Manchester United dhidi ya Everton, ambapo Man-U imejipatia ushindi wa magoli 2-1. Tottenham imeicharaza Southampton kwa goli 1-0. Nayo Manchester City imetakata kwa kuichapa Aston Villa mabao 2-0. Msimamo wa ligi hiyo katika michezo saba, Chelsea inaongoza ikiwa na pointi 19, ikifuatiwa na Manchester City yenye pointi 14, Southmpton ni ya tatu na pointi 13, Manchester United nafasi ya 4 sawa na Swansea zikitofautiana idadi ya magoli ya kufunga. QPR, Burnely na Newcastle ndizo tatu za mwisho zikiwa na pointi 4 kila moja.
 

Diego Costa akishangilia baada ya kuidungua Arsenal

Welbeck Vs Fabregas


Diego Costa akitupia kambani goli la pili
 
Ozil Vs Fabregas





Wenger na Moueinho nusura wazichape kavukavuu

 

Tazama magoli yote hapa

WENGER AFUNGUKA DIEGO COSTA NI SHEEEEEDAAA!

DIEGO COSTA 

ARSENE WENGER

Mkufunzi wa Arsenal Arsene Wenger amesema kuwa Diego Costa ni mshambuliaji hatari na kwamba mshambuliaji huyo wa Chelsea ni tishio kubwa kwa kikosi chake katika mechi ya Leo itakayochezwa katika uga wa stamford Bridge.

Kilabu zote mbili hazijafungwa tangu msimu huu wa ligi uanze,lakini Chelsea iko juu ya Arsenal kwa pointi sita.
Costa aliyenunuliwa kwa kitita cha pauni millioni 32 kutoka kilabu ya Uhispania ya Atletico Madrid,amefunga mabao 8 katika mechi 6 za ligi ya Uingereza alizoshiriki.

 ''Costa ana kila kitu cha mshambuliaji,anajitolea na yuko tayari kufunga bao'',alisema Wenger.
Wenger anahisi matumaini kwamba huenda Arsenal ikaishangaza Chelsea ilio katika kilele cha jedwali la ligi ya Uingereza ikiwa na pointi 16 kati ya 18.
Msimu uliopita Arsenal ilipata kichapo cha mabao 6 kwa 0 katika mechi iliochezwa katika uga wa Stanford Bridge huku Wenger akiweka rekodi ya kuisimamia kilabu hiyo kwa mechi yake ya1000.
Kwa upande wake Mourinho anatarajia ushindani mkali kutoka kwa Arsenal na amejitayarisha vilivyo.